Мәслихат төрағасының міндеттері

Осы жергілікті жерлердегі мәслихат төрағаларының міндеттері қандай? Олар өз қызметін басқа жұмыстан босатылмаған негізде жүзеге асыра ала ма?
Ақболат, Жаркент
Қазақстан Республикасындағы жергi­лiктi мемлекеттiк басқару және өзiн-өзi бас­қару туралы Заң бойынша мәслихат сес­сиясының төрағасын мәслихат өз де­пу­таттарының арасынан сайлайды. Мәс­лихат сессиясының төрағасы ашық дауыс беру арқылы мәслихат депутаттары жал­пы санының көпшiлiк даусымен сайла­на­ды. Мәслихат сессиясының төрағасын сай­лау тәртiбi мәслихат регламентiнде бел­­гiленедi. Мәслихаттың кезектi сессия­сы­ның төрағасы мәслихаттың алдыңғы сес­сиясында сайланады. Сессияның төр­ағасы болмаған жағдайда оның өкiлеттiгiн мәс­лихат хатшысы жүзеге асырады. Мәс­лихат депутаты мәсли­хат сессиясының төр­ағасы болып күнтiзбелiк жыл iшiнде екi рет­тен артық сайлана алмайды. Мәслихат сес­сиясының төрағасы: 1) мәслихат сес­сия­сын шақыру туралы шешiм қабыл­дай­ды; 2) мәслихат сессиясын әзiр­леуге басшылық жасауды жү­зеге асырады, сессияның күн тәр­тiбiн қалыптастырады; 3) мәслихат сес­сиясының отырысын жүр­­гiзедi, мәс­лихат регламентiнiң сақ­талуын қам­тамасыз етедi; 4) мәсли­хат­тың сес­сиясында қабылданған немесе бе­кi­тiлген мәслихаттың шешiмiне, хат­тамаларға, өзге де құжаттарға қол қояды. Мәслихат сессиясының төр­ағасы өз қызметiн басқа жұмыс­тан босатыл­маған негiзде жүзеге асырады. Мәсли­хат сессиясында дауыс беру кезiнде депутаттардың дауысы тең бөлiнген жағдайда, мәс­лихат сессиясының төрағасы ше­шушi дауыс құқығын пай­да­ла­нады.