Машинаның түсі өзгергені туралы мәлімет тіркелуі керек пе?

Көлік құралына меншік құқығын растайтын құжаттарда қандай мәліметтер жазылады? Машинаның түсі көрсетіле ме? Егер оның түсін өзгертетін болсам, мәліметтерді де өзгертуім керек пе?
Ерген Бейсенбеков, Ақмола облысы
ҚР Ішкі істер министрлігінің №90 бұй­рығына сәйкес, көлік құралын тіркеуге ұсы­нылатын құжаттарда оның берілген күні, сауда келісімшарты немесе мемлекет­тік ор­ганның шешімі туралы мәлімет, та­рап­тардың мекенжайлары мен реквизит­тері, көлік құралының маркасы, моделі, модифика­ция­сы туралы мәліметтер, шық­қан жылы, әлем­дік көлік өндірушінің жеке коды, шассидің түсі, шасси, кузов пен дви­гательдің өндірістік реттік нөмірі, өндіру­шінің қабылдау-тапсыру актісінің нөмірі, сериясы, сәйкестік сертификаты, тіркеу нөмірі және басқалар жазылады. Ми­нистр­ліктің осы бұйрығының 54-тарма­ғына сәйкес, автокөліктің түсі өзгертілген жағдайда оны тіркеу мәліметтеріне де өз­геріс енгізілуі керек.