Марсқа көшу аңыз ба, ақиқат па?

Жер беті тұрғындарының бір бөлігі болашақта Марсқа көшуге әрекет жасап жатқанын естідім. Бұлай болуы мүмкін бе?
Зере СЕРІКБЕК, Алматы
Шынымен де, жердегі адамдардың 170 мыңдайы Марсқа түбегейлі көшуді ойлайтын көрінеді. Олар 2023 жылға қарай Қызыл пла­нетаға қоныстану мақсатында голланд­тық Mars One компаниясы ұйымдастырған жобаға өтініш берген. «Ғарыштық жобаның» құны 6 миллиард долларды құрайды. Бүгін­ге дейін 140 елден 165 мың ерікті тір­келіп, 5 доллардан 75 долларға дейін төлеп те қойған. Компанияның негізін салушы әрі бас директоры Бас Лансдорп «жаңа қоныс­қа» Жердің миллионнан астам тұрғыны тір­келеді деп үміттенеді. Әрқайсысында төрт адам­нан болатын алғашқы алты топ 2015 жыл­ға қарай аттанбақ. Негізі, Марсқа алды­мен роботтар жіберіледі. Олар 2016-2020 жыл­дар аралығында тұрғын үй мен қыз­меттік модульдерді дайындаумен айналы­са­тын болады. Адамдары бар ғарыштық ап­па­раттың ұшырылуы 2022 жылға жос­пар­ланған. Олар Қызыл планетаға 2023 жылы қонады. Сапар жеті айға созылады. Алғаш­қы төрттікте екі ер адам, екі әйел бо­лады. Кейін әрбір екі жыл сайын басқа да адам­дар келе бастайды. Лансдорптың ай­туынша, Марстағы ортақ тіл ағылшын тілі болмақ.