Мамандығым – заңгер, адвокат болу үшін не істеуім керек?

Биыл жоғарғы оқу орнын заңгер мамандығы бойынша бітіріп едім. Бірақ мамандығым бойынша орайлы жұмыс таба алмадым. Енді ойым – адвокат­тық қызметпен айналысу. Бұл мақсатыма жету үшін не істеуім керек?
Нұркамал, Алматы қаласы
Адвокаттық қызметпен айналысу үшін, ең бірінші, жоғары заң білімі болуы керек. Екіншіден, адвокаттық қызметпен айна­лысу­ға рұқсат беретін лицензия алып, міндетті түрде адвокаттар алқасының мү­шесі болып тіркелуіңіз қажет. Адвокат­тық қызметті лицензиялауды ҚР Әділет министрлігі Тіркеу қызметі және Құқықтық көмек көрсету комитеті жүзеге асырады (ад­вокаттық қызметпен айналысуға ли­цен­зиялар 15.08.2011 жылдан бастап электрондық түрде беріледі). Адвокаттық қызметпен айналысуға лицензия алу тәртібі 2007 жылғы 2 маусымдағы №454 «Адвокаттық және нотариаттық түрлерін лицензиялау кезінде қойылатын біліктілік талаптарын бекіту туралы» ҚР Үкіметінің қаулысымен реттелген. Бұл лицензияны алу үшін сіз арнайы тағылымдамадан жә­не аттестациядан өтуге тиіссіз.