Майя тайпасы қай елдің құрамына енеді?

Бұған дейін 2012 жылы ақырзаман болады дегенді жиі естідік. Бұл Америка құрлығындағы майя тайпасының күнтізбесінен шыққан екен. Бұл тайпа қай елдің құрамына кіреді, бүгінде осы күнтізбесін пайдалана ма?
Ерден Бекмұрат, Алматы
Майялардың жалпы саны 6 млн деген дерек бар. Негізінен, Орталық Амери­ка­да өмір сүреді. Олар өздерінің ана тілін­де сөйлейді. Бірақ көпшілігі, әсіресе жас­тар испан тіліне көшкені туралы айтылады. Ежелгі майя өркениетінің ұрпақтары әйгілі күнтізбесін өте ертеде жасаған. Колумб Американы ашқанға дейін құрастырылған екен. Майялықтар бір мемлекетте ғана емес, бірнеше елде өмір сүреді. Негізінен, Мек­сиканы мекендейтін тайпа өкілдері аталған елдің Чьяпас, Кампече, Юкатан, Кинтана-Роо және Табаско штатына қоныстанған. 600 мың майялық Белиз елінде тұрады. Сонымен қатар Гондурас пен Сальвадорда да тіршілік етеді. Бір қызығы, 12 млн халқы бар Гватемала хал­қының тек жартысы өзін майялықпын деп есептейді. Майялықтардың дені өрке­ниетті мемлекеттерде тұратындықтан, кө­не күнтізбені толықтай пайдаланды деп айту қиын.