Мағжанның қайраткерлігі қай тұрғыда көрінді?

Көрнекті ақын Мағжан Жұмабаев шығармаларының ұлттық әдебиетімізде алар орны ерекше екендігі анық. Ол – сонымен бірге үлкен қайраткер ретінде де танылған тұлға. Мағжанның осы реттегі еңбегіне қысқаша тоқтала кетсеңіздер екен?
Ардақ БЕКЖАН, Астана
Мағжан Жұмабаев – шығар­ма­шы­лы­ғы­нан туған халқының тынысымен қатар, тұтас кезең бейнесі көрініс тапқан көрнекті тұлға. Көзінің тірісінде-ақ Мағжанды тек қазақ оқыр­мандары ғана емес, Ресей әдебиет­ші­лері де жоғары бағалап, әлемдік деңгейдегі ақын ретінде таныды. Мағжанның бұл рет­тегі артықшылығы, ол сонымен бірге жа­лын­ды күрескер де еді. Яғни ол күш-қай­ра­тын халқының тәуелсіздігі жолына жұмсап, оқу-ағарту арқылы ұлтын биік деңгейге көтеруді, жаңғыртуды көкседі. Сөйтіп, Мағ­жан Жұ­ма­баев 1917 жылы А.Байтұрсынов, Ә.Бөкей­ханов, М.Дулатов бастаған және қазақ интеллигенциясының ең озық өкіл­де­рі­нің басын қосқан «Алаш» қозғалысына қосылды. Сол уақыттарда еліміздің білім беру жүйесін негіздеуге байланысты оқу­лық­тар жазған ол алашордашылар қата­рын­да жүріп, үлкен ағартушылық жұмыстар атқарды.