Магнаттың есімімен аталатын сыйлық

Бір басылым бетінен «Пулитцер сыйлығы» дегенді кездестірдім, бірақ онымен кімдер марапатталатыны немесе танымал адамдардан кім иегер болғаны жөнінде естіген емеспін. Осы жөнінде білсем деп едім.
Мәншүк БАЙКЕНОВА, студент
Пулитцер сыйлығы – әдебиет, жур­на­листика, музыка және театр са­ласы мамандарына берілетін АҚШ-тағы ең таң­дау­лы сый­лық­тардың бірі. Газет магнаты Джо­зеф Пулитцер (1847 жылы туған) 1911 жыл­дың қа­зан айын­да қайтыс болады. Ол өзі­нің ар­тын­да қал­ған 2 миллион дол­лар­ды осы мақ­сатқа пай­далану үшін қор құру жө­нін­де мұрагерлік жазып қал­дыр­ған. Мұ­ра­гер­лік оның көзінің тірі­сінде, яғни 1903 жыл­дың 17 тамызында жа­сал­ған еді. Содан бері осы күн Пулитцер сый­лығының дү­ние­ге келген күні деп аталады. Сый­лық­тың көлемі – 10 мың АҚШ дол­лары. Сыйлық 1917 жылдан бері жыл­да ма­мыр айы­ның бі­рін­ші дүй­сен­бісінде Нью-­Йорктегі Ко­лумбия уни­вер­си­те­тінің тү­лек­те­ріне табысталады.
Кейде New York Times, The Wall Street Journal және The Washington Post сияқты ірі басылымдар журналистік аталымы бойынша жүлде алса, елеу­сіз, кішкене газеттер де марапатталып отырды. Сыйлық алған көп­теген кітап үздік туындылар тізімінде ешқа­шан болған емес, марапат­талған пьесалар театр сахналарында қойылған жоқ. Бірақ сонда да болса сыйлық берілді. Сон­дай-ақ қағазбен жұмыс істейтіндер ғана емес, ин­тернет-кеңіс­тік жұмы­сы да солардың қатарына қосылды. Америка тарапы бірінші рет атаулы сыйлықты ресейлік тілшіге шешен соғысында жүргізген репортажы үшін берді. Мәскеу бюро­сының бас фотографы да 1991 және 1996 жылдары Ресейден жүргізген фоторепортажы үшін екі рет марапатталды.