Күзетшінің еңбекақысы қалай есептеледі?

Мен ауыл мектебіне күзетші болып жұмысқа орналастым. Мектептердегі күзетшілердің айлық еңбекақысы сағатпен есептегенде қалай болады?
Жомарт Жақсыбеков, Оңтүстік Қазақстан облысы
Еңбекті нормалау және еңбекке ақы төлеу басқармасының сарапшы маманының мәлі­метінше, азаматтық  қызметшілерге ең­бекақы төлеу жүйесі «Азаматтық қыз­мет­шілерге, мемлекеттік бюджет қаражаты есе­бі­нен ұста­латын ұйымдардың қыз­мет­кер­ле­ріне, қа­зы­налық кәсіпорындардың қыз­мет­керлеріне ең­бекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы  №1400  қау­лысымен   (бұдан әрі – қаулы) рет­те­ле­ді.
Қаулының 3-тармағына сәйкес, ұйым­дар қызметкерлерінің лауазымдық жал­ақы­лары (ЛЖ) атқаратын лауазымдарының лауазымдар санаттарына жатқызылуына және мамандығы бойынша жұмыс өтіліне, тағайындалған білік­тілік разрядтарына (жұмысшылар үшін) қарай лауа­зымдық жалақыларын есептеу үшін бекі­тілген тиісті коэффициенттерді Қазақстан Рес­публикасы Үкіметі белгілеген базалық лауа­зым­дық жал­ақының (БЛЖ) мөлшеріне кө­бей­ту жолымен айқындалады.
«Күзетші (вахтер)» (1-разряд. Ауысым бойынша аға міндеттерін орындау кезінде – 2-разряд) кәсібі бойынша тарифтік-біліктілік сипаттама Бiрыңғай тарифтiк-бiлiктiлiк анық­та­малығының 1-шы­ға­ры­лымын­да көр­се­тіл­ген.
Жұмысшылардың лауазымдық жал­ақы­ларын есептеуге арналған коэффи­циент­тер қаулыға 3-қосымшада берілген.
Бүгінде БЛЖ мөлшері 17 697 теңгені құрайды.
Қаулыға 19-қосымшаға сәйкес, мем­лекеттік мекемелер мен қазыналық кәсіп­орын­дар қызметкерлеріне түнгі уа­қыт­та жұмыс істегені үшін кешкі сағат 22-ден таң­ғы сағат 6-ға дейін әр сағат үшін сағаттық жалақының 50%-ы мөлшерінде қосымша ақы төленеді.
Ауысымдық жұмыс кезiнде қызметкерге барлық нақты жұмыс атқарған сағаттарына төлем жүргізіледі.