Қанша жерден жабыла жамандағанымызбен, ғылыми үдерістің жетістіктерін жоққа шығаруға болмайды. Мысалы, компьютердің жас ұрпақ үшін пайдасы да көп. Бірақ зияны да бар дейді...
Нұржігіт ЖАҚСЫЛЫҚ, Талғар
Мамандардың пікірінше, компьютер – балалар үйренуге міндетті заманауи байланыс құралы. Компьютер баланы анализ жасап, стратегиялық түрде ойлануға, өзінің іс-қимылын алдын ала есептеп, әрекет жасауға үйретеді. Сонымен қатар компьютердің көмегімен бала ақпарат іздеуге, ең бастысы, бірдеңені құрастыруға, жасауға бейімделеді. Мұның сыртында компьютер бала қолының икемділігін арттырады. Саусақтардағы нақты бір нүктелерді баса отырып, белгілі бір органдарға оң ықпал етуге болады. Алайда бес жасқа дейінгі балалардың компьютерге әуес болмағаны жақсы. Өйткені олардың көру органы жан-жақты жетілмегендіктен, әртүрлі зиянды сыртқы әсерлерге мейлінше сезімтал болып келеді.
Жалпы алғанда, компьютер баланың ептілігі мен тапқырлығын ұштайды, құрбы-құрдастарымен араласу мүмкіндігін ұлғайтады. Компьютермен әуестенген баланың алдынан қызық та таңғажайып әлемге жол ашылады. Ең дұрысы, сол жолға балаңызбен бірге қадам басқаныңыз абзал.
Компьютердің жас ұрпақ үшін қандай пайдасы бар?
Последние статьи автора