Көмекші аспазға сауықтыру ақысы төленуі тиіс пе?

Балабақшада екі аспаз жұмыс істейміз. Бас аспазға сауықтыру ақысын төлейді, ал көмекші аспазға төлемей отыр. Осы дұрыс па?
Мәдина АСҚАРОВА, Оңтүстік Қазақстан облысы
Еңбекті нормалау және еңбекке ақы төлеу басқармасының сарапшы маманының мәлі­ме­тінше, Қазақстан Республикасы Еңбек кодек­сінің (бұдан әрі – Кодекс) 239-бабына сәйкес, мем­лекеттiк бюджет есебiнен ұстала­тын азамат­тық қызметшiлерге лауазымдық жалақысы мөлше­рiнде сауықтыруға арнал­ған жәрдемақы төлене отырып, ұзақтығы күнтiз­белiк 30 күннен кем болмайтын жыл сайын­ғы ақылы еңбек дема­лысы берiледi. Азамат­тық қызметшiлерге са­уық­тыруға ар­нал­ған жәрдемақы күнтiзбелiк жылда бiр рет төле­недi. Кодекстің 1-бабында азаматтық қызмет­шi – Қазақстан Республикасы­ның заңнама­сында белгiленген тәртiппен қазы­налық кәсiпорындарда, мемлекеттiк мекеме­лер­де ақылы штаттық лауазымда iстейтiн және олардың мiндеттерi мен функцияларын iске асыру және мемлекеттiк органдарға техни­калық қызмет көрсетудi жүзеге асыру мен олардың жұмыс iстеуiн қамтамасыз ету мақ­сатында лауа­зымдық өкiлеттiктердi жүзеге асыратын адам деп белгіленген. Азаматтық қызметшілер лауа­зым­дарының тізбесі (бұдан әрі – Тізбе) Қазақ­стан Респуб­ликасы Үкіме­тінің 2007 жылғы 27 қыркүйек­тегі №850 қаулысымен бекітілген. Тіз­беге сәйкес, азамат­тық қызметшілерге маман­дармен қатар техникалық орындау­шылар және жұмыс­шылардың жұмыстары мен кәсіп­терінің бір­ыңғай тарифтік-білік­тілік анық­тамалығына сәйкес, еңбегі кәсіби даяр­лық пен арнайы білім­ді талап ететін білікті жұмыс­шылар кіреді.
Жұмысшыларды білікті және білікті емес жұ­мысшыларға жатқызу бойынша шешімді, әр­бір нақты жағдайларда, тарифтік-біліктілік сипат­тамасы негізінде ұйымның біліктілік комиссиясы қабылдайды. Осыған орай, егер жоғарыда атал­ған комиссия шешімімен жұмысшының кәсібі білікті жұмысшыға жат­қызылса, оған жыл сайынғы ақылы еңбек дема­лысы берiлген кезде лауазымдық жала­қысы мөлшерiнде сауықты­руға арналған жәр­демақы төленуі тиіс.