Көктөбедегі аспалы жол наурыз айында ашылады, - деп хабарлайды Tengrinews.kz тілшісі парк директоры Нұрлан Қазиевке сілтеме жасап.
Оның айтуынша, барлық жұмыс аяқталды. "Меніңше, Наурызда аспалы жолды ашамыз. Ол жақта бәрі дайын. 26 наурызда ресми ашылу салтанатын ұйымдастырғым келіп отыр", - деді Қазиев. Аспалы жолмен жүру құны бұрынғы бағамен қалады - бір бағытқа 1000 теңге.
Айта кетейік, бұл жоба Көктөбе паркінің өз қаражатынан жүзеге асырылды. Сонымен қатар, Көктөбе тауына жан-жақты көруге арналған айналмалы дөңгелек орнатылды. Оның көмегімен қаланың, Қапшағай көлінің керемет көрінісін тамашалауға болады.
kaz.tengrinews.kz