Мені кітапхана қызметі қатты қызықтырады.
Жадыра ТӨЛЕГЕНҚЫЗЫ, Алматы қаласы, оқушы
Халықаралық кітапханалар қауымдастығының мәліметінше, қазір дүниежүзінде 569 600 кітапхана бар. Оның ішінде Еуропа (440 мыңнан астам кітапхана) және Солтүстік Америка (125 мыңнан астам кітапханалар саны) «кітапханалық құрлық» болып есептеледі. Кітапханалар саны ең аз континент – Африкада тек 1,2 мың кітапханалық бөлімше бар. Дүниежүзінің кітапханаларында 807 мыңнан астам адам қызмет атқарады. Жер шарында кітаптардың сақталуына жылына 8,7 трлн АҚШ доллары көлемінде қаражат жұмсалады. Кітапханалардағы кітаптар сөрелерінің жалпы ортақ ұзындығы 15 мың шақырымды құрайды. Кітапханалардың абоненттерінің саны 2,5 млрд-қа шейін жетеді. Бұл орташа есеппен жер шарының 1/3 бөлігі болып табылады. Жыл сайын кітапханалар 1,5 трлн операцияны орындайды – абоненттерге кітаптар беру, журналдар, CD және т.б.