Мемлекеттік бюджет қаражаты есебінен ұсталатын ұйымдардың қай азаматтық қызметшілері G-4 санатына, қай қызметшілері G-3 санатына жатады?
Самал Дулатова, Қостанай облысы
Қазақстан Республикасы Үкіметінің 2007 жылғы 29 желтоқсандағы №1400 қаулысы азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесін реттейді.
Осы қаулының 1-қосымшасындағы азаматтық қызметшілердің (білікті жұмысшыларды қоспағанда) санаттар бойынша лауазымдарының тізілімі бойынша G-3 санатына мәдениет және мұрағат ісі, спорт мемлекеттік мекемесінің және қазыналық кәсіпорнының және де ақпараттық, ақпараттық-талдау, ақпараттық-статистикалық, оқу, оқу-тәрбие, оқу-әдістемелік, ғылыми-енгізу, ғылыми-педагогикалық, ғылыми-практикалық, ғылыми-өндірістік, өндірістік, жобалау-іздестіру, зейнетақы төлеу жөніндегі орталықтарының басшылары жатады.
Ал G -4 санатына мемлекеттік мекеме және қазыналық кәсіпорын басшысы (мектепке дейінгі мемлекеттік мекемеден және қазыналық кәсіпорыннан басқа) жатады.