Кез келген ғарышкердің ғарышпен байланысты науқасы болады

Ғарышкерлердің денсаулығы жайлы білуге бола ма? Олар ғарышта жүрген кезде ауырмай ма?
Сәттар Әпсалям, Орал қаласы
Кез келген ғарышкердің ғарышпен бай­ла­нысты науқасы болады. Көбіне ол бас ау­руы және аяқ қимылында проблема болатын симп­том сипатында көрініс табады. Ғарыш ке­ңіс­тігінде ғарышкер денесі қалықтап, сал­мақ­сыздық күйге көшкенде оның денесіндегі бар­лық сұйықтық жоғарыға көтеріледі. Со­н­ың салдарынан мұрын бітеліп, бет күп бо­лып ісіп кетеді. Ал сүйектерден уақыт өткен сайын кальций шайыла бастайды, бүйрек қыз­меті де бұзылады. Бұлшықеттер жиыры­лып, ол асқазанның тез жұмыс істеуіне және жүректің қағуына әкеліп соғады. Дене ісініп, асқазан қызметі бұзылады. Бой да ұзарып кетеді, өйткені қан қысымы төмендеп, салмақсыздық күйде ол омыртқаға қатты әсер етеді. Бұл симптомдардың бәрі ғарышта жүргендіктен, онша жанға бата қоймайды. Ал Жерге түскен соң, міндетті түрде ем алуға тура келеді. Бұл – жағымсыз жағы. Ал жа­ғым­дысы ретінде мына бір мысалды келтіре кету­ге болады. 2001 жылғы зерттеу көрсет­кен­дей, үйде ұйықтаған кезде қорылдайтын ғарышкерлер ғарышқа шыққанда ондай жағымсыз әдеттен «айығып» шыға келеді екен.