Кеңестік кезеңге дейін қазақ жастарының қандай саяси ұйымы болды?

КСРО құрылғанға дейін бізде түрлі саяси партиялар болғанын білеміз. Бірақ оқушы жастар мен студенттердің саяси ұйымдары болғаны жөнінде көп айтылмайды. Осы мәселенің анық-қанығын білгім келеді.
Гүлден ӘЛИ, Семей
Ақпан революциясынан соң Қазақстанда жаппай жастардың түрлі саяси ұйымдары құ­ры­ла бастады. Мысалы, Омбыда – оқушы жас­тар мен ауыл мұғалімдерінің өкілдерінен «Де­мо­кра­тияшыл оқушы жастардың кеңесі», Ақ­мо­ла­да – «Жас қазақ», Спасск зауыттарында – «Жас жүрек», Петропавловскіде «Талап» т.б. ұйымдар жұмыс істеді. Бірақ бұл ұйым­дар­дың бір бөлігі кеңестіктерді қолдаса, енді бір шоғыры либералдық ұлт зиялылары жетек­ші­лерін идеал тұтты. Мәселен, С.Сейфуллин бас­қарған «Жас қазақ» пен Т.Рысқұлов басқарған «Қазақ жастарының» революциялық одағы кеңестерді жақтады. Жастар ұйымдары бас­тап­қы кезеңде мәдени-ағартушылық мін­дет­термен айналысса, кейіннен таптық, әлеуметтік және саяси сипаттағы мәселелерді шешумен айна­лыса бастады.