Кеңес өкіметінің алғашқы жылдары Наурыз мерекесінің аталып өткені рас па?

Наурыз мерекесіне Кеңес өкіметі 1926 жылы тыйым салған. Ал осыған дейін, яғни Кеңес өкіметінің алғашқы жылдары Наурыз мерекесі кең көлемде аталып өткен бе? Сонымен қатар Наурыз мерекесі қашан ресми мейрам болып бекігенін білгім келеді.
Нұрдәулет, Солтүстік Қазақстан облысы
Кеңес өкіметі орнағаннан кейінгі тоғыз жыл бойы Қазақстанда Наурыз мейрамы кең көлемде аталып өткені рас. Бірақ 1926 жы­лы бұл мейрамға «діни мейрам», «ескілік сар­қыншағы» деген баға беріліп, тыйым са­лынған. Десек те, ресми күші болма­ға­ны­мен, қазақ халқы сол дәуірдің өзінде төл мерекесін от­ба­сылық мейрам ретінде жа­сырын түрде той­ла­ғанын айта кеткен жөн. Ал жалпы ұлт­тық мей­рам ретінде 1988 жылдан бастап ата­лып өтіле бастады. 1991 жылдың 15 нау­рыз күні Пре­зидентіміз Нұрсұлтан Назарбаевтың Жар­­лы­ғымен Наурыз мейрамы ресми ме­реке бо­лып жарияланған-ды. Ал 2010 жылдан бас­тап Біріккен Ұлттар Ұйымының Бас ас­сам­блея­сы «Халықаралық Наурыз кү­ні» қарарына сәй­кес, 21 наурыз – Халық­ара­лық Наурыз күні деп қабылдаған.