Туған кезде кей адамның құлағының үстінде кішкене қуыс болады. Мұны пирсингпен шатастырудың қажеті жоқ. Десе де, оның сирек кездесетінін мойындауымыз қажет.
Бұл туралы The Mirror басылымы хабарлайды.
Құлағының үстінде кішкене ойығы бар адамдарды бөгдепланеталықтардың қатарына қосуымызға болады. Яғни, олар – преакрикулярлы қуыспен туған жандар. Мұндай адамдар Ұлыбританияның 1%-ын, Азия мен Африканың 4-10%-ын құрайды. АҚШ-та өте сирек кездеседі.
Құлақ үстіндегі қуыстың көлемі тебеннің көзіндей ғана болады. Ал адамның ерін тұсындағы ойық одан да үлкенірек. Мұны ғалымдар бұлшық еттердің дұрыс жұмыс істемеуімен байланыстырады. Жоғарыда айтылған преаурикулярлы қуысты алғаш рет 1864 жылы Ван Хойзингер зерттеген болатын. Ол бастапқыда мұндай қуыс адамдардың тек бір құлағының үстінде болатындығын анықтаған-ды. Артынша 50% жағдайда оның екі құлақ үстінде де болатындығы анықталды. Business Insider хабарлауынша, биолог Нил Шубин бұл ойықтардың “балықтардан қалған желбезектер” болуы мүмкін екенін айтып отыр. Егер дәл осындай преаурикулярлы қуыс сіздің де құлағыңыздың үстінде болса, аса уайымдаудың қажеті жоқ. Себебі, ол денсаулыққа айтарлықтай кері әсерін тигізбейді.
Бар болғаны сол қуыс арқылы ішке инфекция жылдам түсуі мүмкін. Ал оны кез келген жағдайда антибиотиктермен емдей аласыз. Кей жағдайда осы қуыстан арылу үшін ота жасалады. Десе де, оны бұрын жасатқан пирсингтің орны деп қабылдауыңызға болады.