Кеден қызметіне алынудың талаптары қандай?

Кеден ісі мамандығы бойынша алған жоғары білімім бар. Бірақ кеден саласында жұмыс тәжірибем жоқ. Кеден органдарына жұмысқа қабылдану үшін қандай талаптар қойылады?
Ерлан, Алматы қаласы
ҚР «Қазақстан Республикасындағы кеден ісі туралы» Кодексінің 479-бабына сәйкес, кеден органдары қызметіне рес­публиканың жеке, моральдық, іскер­лік, кәсіби қасиеттері, денсаулығы, физи­калық дамуы және білімі жағынан өзіне берілген міндеттерді атқаруға қабілетті азаматтар қабылданады. Қойылатын талаптар: 1) ішкі істер органдарының әскери-дәрігерлік комиссиясы берген қызметке жарамдылық туралы медици­налық қорытындысы; 2) міндетті арнайы тексерістің қорытындысы; 3) ҚР мемле­кеттік қызмет туралы заң­на­маларында бекітілген біліктілік талапта­рына сәйкестік. Қызметке қабылданғаннан кейін арнайы шен берілмейтін үш ай уақытқа сынақ мерзімі тағайындалады. Жоғарыдағы талаптарға сай келмейтін және бұрын мем­лекеттік қызметтен жа­ғым­сыз себеп­терге байланысты аласта­тылғандар кеден қызметіне алынбайды.