Камералық бақылау салық төлеуші режимін талғамайды

Салық органындағылардың жеке кәсіпкерлікті (салық салымының жеңілдетілген режимімен жұмыс істейтін) хронометражды тексерудің нәтижесі бойынша камералық бақылауға қоюы қаншалықты заңды?
Дәрмен, Алматы облысы
Алматы қаласының салық комитеті маман­да­рының айтуынша, камералық бақылау Салық кодексінің 585-бабына сәйкес, салық төлеу­шінің берген салық есебін сараптау мен зерттеу не­гі­зін­де салық органы қызметкерлерімен жүргізілетін бақылау болып табылады. Демек, ка­ме­ралық бақылау есептен табылған қате­лік­тер жағдайында қойылады, яғни ол жеке кәсіп­кер­ліктің қандай режиммен жұмыс істеп жат­қан­дығына еш қатысы жоқ. Салық кодексінің 587-бабы негізінде каме­ралық бақылау нәти­же­сінде қандай да бір заң­сыздықтар анықталса, онда салық төлеушінің атына әлгі қателіктің көзін жою туралы ескерту қағаз жіберіледі. Мұн­да­ғы талапты орындау мерзімі – 30 жұмысшы күні. Егер осы белгіленген мерзім ішінде қате­лік­тің көзі жойылмаса, 611-бап бойынша салық тө­леушінің банк шотындағы шығыс операциялары кілт доғарылады.