Кәмелет жасы әлемнің барлық елінде бірдей ме?

Біз 18-ге толған баланы кәмелетке толды дейміз. Әлемнің барлық елінде осылай ма? Кейбір елдерде балиғат жасы деп 21-ді айтатынын естіген едім.
Гүлнұр Оразова, Алматы қаласы
Кәмелет жасы әлемнің БҰҰ-ға мүше елдерінің денінде 18 жас­тан бастап есептеледі. Ал Канада­да және АҚШ-тың Алабама, Вайо­минг, Небраска штатта­рын­да азамат­тық қабілеттілік жасы – 19. Корея Республикасы, Тай­вань, Тунис пен Жапонияда кәме­лет жасы 20 деп бекітілген. Бах­рейн, Гвинея, Гондурас, Мысыр, Каме­рун, Кот-д-Ивуар, Лесото, Мада­гаскар, Монако, Сингапур, Чад және Американың Мис­сисипи мен Пуэрто-Рико штатта­рында кәмелетке толғандар деп 21 жас­қа келгендерді айтады. Кейбір ел­дерде балиғат жасы 18-ден төмен. Айталық, Фарер аралда­рында – 14, Кубада – 16, Солтүстік Кореяда 17 жас азамат­тық қабі­лет­тілік жасы деп белгі­ленген.