«Ислам Ренессансы» деген не?

Орта ғасырдағы ғылымның дамуына байланысты «Ислам Ренессансы» деген түсінік бар екен. Осы жайлы толығырақ айтсаңыздар... Ол қандай түсінік?
Омар ИСЛАМ, Алматы облысы
Орта ғасырларда ғылымның дамуына Шығыс, Араб елдері Орта Азия ғалымдары (әл-Фараби, Әбу Әли ибн Сина, ибн Рушд, Бируни, Махмұт Қашқари, Жүйнеки т.б.) елеулі үлес қосты. Олар Ежелгі Гре­кияда қалыптасқан ғылыми таным жетістіктерін сақтап қана қойған жоқ, оны көптеген салада толық­ты­рып, дамытты. Шығыста әл-Фара­биді Аристотельден кейінгі екінші ұстаз деп таныды. Орта ғасырлар­да араб елдері мен ислам діні тара­ған басқа да аймақтарда филосо­фия, медицина, эстетика, мате­ма­ти­ка, астрономия т.б. ғылым салалары қауырт дамып, бұл құбылыс кейін Ислам Ренессансы деп аталды. Мысалы, Омейя әулеті халифатында ғылым үйі болды, онда ғалымдар ежелгі грек ғылымының барлық жетістіктерін араб тіліне аударды, ғылымның ерекше формасы, пәлса­па қалыптасты.