Іс жүргізушінің жоғары білімі ескеріле ме?

Мен бір мекемеге іс жүргізуші болып жұмысқа орналастым. Бұрынғы іс жүргізушіге G-14 санаты бойынша еңбекақы төленіп келген екен. Бірақ оның білімі орта болған. Менің білгім келгені, маған ақы қай санат бойынша төленеді және жоғары білімім ескеріле ме?
ДИНАРА, Алматы қаласы
Сарапшы маманның айтуына қарағанда, азамат­тық қызмет­ші­лерге еңбекақы төлеу «Азамат­тық қызметшілерге, мемлекеттік бюджет қаражаты есебінен ұсталатын ұйымдардың қызметкерле­ріне, қазы­налық кәсіпорындардың қызметкерлеріне еңбекақы төлеу жүйесі туралы» ҚР Үкіметінің 2007 жылғы 29 желтоқсандағы №1400 қаулысымен реттеледі. Қаулының 3-тармағына сәйкес, ұйымдар қыз­мет­кер­лерінің лауазымдық жалақылары атқара­тын лауазым­дарының лауазымдар санаттарына жат­қызылуына және мамандығы бойынша жұмыс өтіліне, тағайындалған біліктілік раз­рядтарына қарай лауазымдық жалақыларын есептеу үшін бекі­тіл­ген тиісті коэф­фициенттерді Қазақстан Республи­касының Үкі­меті белгілеген базалық лауазымдық жалақының (БЛЖ) мөлшеріне көбейту жолымен айқындалады.
Қаулымен бекітілген Азаматтық қызметшілердің санаттар бо­йынша лауазымдарының тізіліміне сәй­кес, техникалық ор­ын­дау­шыларға, соның ішінде іс жүргізушіге еңбекақы төлеу G-14 санаты бойынша жүргізіледі.
Лауазымдық жалақыны есептеуде қолданылатын коэффициенттер Қаулыға 2-қосымшамен бекітілген. Бүгінгі күні БЛЖ мөлшері 17 697 теңгені құрайды.
Қазақстан Республикасы еңбек және халықты әлеуметтік қор­ғау министрінің 2012 жылғы 21 мамырдағы № 201-ө-м бұйры­ғы­на сәй­кес, іс жүргізушінің біліктілігіне қойылатын талаптар: жұмыс өтілін талап етпей, бастауыш және орта кәсіби білім немесе жалпы (толық) орта білім және белгілі бағдарлама бойынша арнайы дайындық. Яғни аталған лауазым жоғары білім болғанын талап етпейді.