Интернет арқылы билетке тапсырыс беру құны қанша?

Өткенде интернет арқылы пойызға билетке тапсырыс бердім. Билетімді үйіме әкеліп берген маман билетті әкелгені үшін қосымша 350 теңге алды. Бұл дұрыс па?
Дәрмен, Алматы
Расымен де, Астана мен Алматы қала­ла­рында интернет арқылы сатып алынған теміржол билеттерін үйге жеткізіп беру қызметі 350 теңге көлемінде бекітілді. Бұл ту­ралы «Жолаушылар тасымалы» АҚ-тың бас­пасөз қызметінен мәлім етті. Аталмыш ше­шім 1 сәуірден бастап күшіне еніп отыр.
Еске сала кетсек, бүгінде мемлекетішілік бағыттардағы – 48 пойызға, ТМД елдеріне қа­тынайтын – 25 және барлық қала маңы по­йыз­дарына билеттерді интернет арқы­лы, нақты айтқанда «Қазақстан темір­жо­лы» ҰК» АҚ-ның www.pcentre.kz сайтынан, сатып алуға болады. Интернет арқылы рә­сім­делген билетті сондай-ақ вокзалдың би­лет кассаларынан және теміржол билет­те­рін сатумен айналысатын жекеменшік кас­салардан, өзіне-өзі қызмет ету тран­сак­ция­лық терминалдарынан басып шығару­ға болады.