Ғасырдан да ұзақ жасаған саясаткерлер

Әлемде ең ұзақ жасаған саясаткерлер кімдер? Қазіргі саясаткерлердің ең үлкенінің жасы нешеде?
Есен Мәпиболатов, Талғар
Адамзат тарихында ғасырдан ұзақ жасаған танымал саясаткер, мемлекет қайраткерлері арасында За­порождық Сечьтің кошевой ата­ма­ны Калнышевский Пётр Ива­но­вичтің есімі аталады. 85 жасында түр­меге қамалған Кал­ны­шев­ский им­ператор Александр кешірім жа­са­ғанша 110 жасқа дейін 26 жыл бо­йы тас қапаста отырған. Абақ­тыдан шыққан ол екі жылдан кейін 112 жасқа жет­кен шағында дү­ние­ден өткен. Тарихта саясаткерлер ара­сында монархист Василий Шульгин – 98 жыл, Лазарь Каганович – 97 жыл, Вячеслав Молотов 96 жыл өмір сүрген. Лениннің жеке хат­шысы Лидия Фотиева – 93 жыл, АҚШ Пре­зиденттері  Ро­нальд Рейган мен Джеральд Форд –  93 жыл, Ау­ғанстанның соңғы королі Захир Шах пен Қытай рефор­маторы Дэн Сяо Пин – 92 жыл, атақты кардинал Ри­шелье – 92 жыл, Чили диктаторы Ау­густо Пиночет – 91 жыл, ағылшын пре­мьер-министрі Уинстон Черчилль мен маршал Семен Буденный 90 жыл жасаған. Алла жазса, биыл ОАР-дың бұрынғы Президенті, Но­бель сыйлығының иегері Мандела Нельсон – 94 жасқа, АҚШ-тың экс-президенті Джимми Картер – 88 жасқа, Ұлыбритания­ның бұрынғы премьер-министрі, кезінде «темір леди» атанған Маргарет Тэтчер – 87 жасқа, ал Ку­баның бұрынғы көсемі Фидель Кастро 86 жасқа толмақ.