Ғарышта да спортпен айналысуға болады

Ғарышқа ұшқан ғарышкерлер үшін сол жақта спортпен айналысуға жағдай жасалған ба?
Жазира Исаева, Тараз қаласы
Ғарыштағы ғарышкердің өз бабын дереу жоғалтып ала­тыны бұрыннан дәлел­ден­ген. Оны ғарышкер жерге қонғанда анық байқап жатамыз. Екі жағынан екі кісі демемесе, құ­лап қала­тынын бәріміз біле­міз. Мұны мамандар ғарышта адам­­ның бұлшық еті әлсіз жұ­мыс істей­тін­дігімен, сондай-ақ ағзаға қа­жетті кальцийдің жо­ғалуымен түсіндірген. Ға­рыш­қа ұшқан ғарыш­керлердің айы­на екі пайыз кальцийін жо­ғалтатыны белгілі болды. Ал кальций дене мүшелерінің қоз­ғалысы, ауыр физикалық жаттығулар кезінде қалыпқа келіп отыратындығын білеміз. Ғарышта физикалық жат­тығулар жасау мүлдем мүм­кін емес. Осыны ескерген ма­ман­дар ғарышкерлерге арнап, ар­найы жаттығу құрылғысын ой­лап шығарды. Вакуумдық цилиндр жүйесінің арқасында ғарышкерлерге арналған жат­тығу құрылғысы кез келген жаттығуды алмастыра алады. Ғарышкерлік жаттығу құры­л­ғы­­сымен бір мәрте жаттығудың өзі велосипедпен екі сағат жүр­генмен тең екен. Тіпті аме­ри­калық ғарышкер Сунита Вильямс бұл құрылғымен ға­рыш­та марафонға жүгіріп кө­ріпті. Міне, бүгінде спорт – бар­лық жерде, тіпті ғарышта да бар деген сөз.