Фантастикалық байқау

Бір танысым елімізде фантастика жанрындағы шығармаларға бәйге жарияланды деп еді. Соның жайын білсем деп едім.
Ғалым, Талдықорған қаласы

Биылғы жылдың қазан айының басынан бері Proza.kz әдеби порталы «Қазақтелеком» компаниясымен бірлесіп, үздік фантастикалық әңгімеге байқау жариялаған болатын.
Байқауға қатысушылар алдағы 31 қазанға дейін өздерінің туындыларын «байқауға» белгісімен Proza.kz сайтына жіберулері тиіс. Бұрын интернетте немесе баспа басылым­дарында жарияланған, көрсетілген жанрға сәйкес келмейтін туындылар қарастырыл­майды. Әдеби байқауға ұйымдастырушылар мен қазылар алқасының мүшелері мен олардың туысқандары, конкурсты ұйымдас­тырушылар қатыса алмайды. Жаңа туынды­ларды бес адамнан құрылған қазылар алқасы – кәсіптік қазақстандық әдебиетшілер мен журналистер бағалайтын болады. Төрағаны қоспағанда, қазылар алқасы мүшелерінің есімдері байқау соңына дейін жарияланбайды. Үстіміздегі жылдың 5 қараша күні 10 автор­дың есімі (5 үздік – оқырмандардың пікірінше және 5 үздік – қазылар алқасының пікірінше) жарияланады. Ал 10 қарашада жеңімпаздың аты анықталмақ. Қосымша мәліметтермен байқау жариялап отырған сайтқа кіріп таны­суға болады.