Еуропа елдерінің ортақ Конституциясы бар ма?

Кәрі құрлық елдері ортақ одақ құрумен бірге, ортақ Конституция қабылдаған ба?
Абзал СҰҢҒАТБЕКҰЛЫ, Талғар
2004 жылдың 29 қазанында Римде Еуропа елдері басшыларының жоғары кездесулері кезінде та­рих­тағы тұңғыш Еуропа Консти­ту­ция­сы­ның жобасы жасалды. 450 бап және 60 мың сөзден тұратын құ­жат – әлемдегі үлкен Консти­ту­ция жоба­ла­рының бірі. Бұл 2,5 жыл бой­ғы күрделі әрі қиын жүмыстың қоры­­тын­дысы болды, ол екі ке­зеңнен тұр­­ды: 2002 жылдың ақпаны мен 2003 жыл­дың шілдесінде Еуро­па­лық кон­вент­ті шақырып, өткізу. Кон­вент­тің төр­аға­сы (бұқаралық ақпа­рат құрал­да­рын­да Еуропалық Кон­ституцияның «атасы» атанған) Фран­цияның бүрынғы пре­зиденті Ва­лери Жискар д'Эстен болды. Кон­­в­ент дайындаған Консти­туция жо­басы Еуропалық одаққа мүше-мем­ле­кет­тердің үкіметаралық кон­фе­рен­ция­сына талқылауға бе­рілді (2003 жылғы қа­зан – 2004 жы­л­ғы маусым), соңғы тұ­жырымы 2004 жылдың 17-18 мау­сымы ара­лығында өткен жоғары деңгейдегі кездесулерде жасалды.
Құжаттың толық аты – «Еуро­палық Конституция орнату келісімі». Бұл атау, бір жағынан, осы құқықтық құжаттың мазмұнын, түрін, қызмет ету әрекетін білдірсе, екінші жа­ғынан, халықаралық ұйым және фе­де­ративті мемлекет эле­мент­терін бо­йына сіңірген Еуропа Ода­ғының жан-жақты құқықтық табиғатын көр­­сетуге бағытталған. Әзірге бұл Кон­сти­туция күшіне енген жоқ. Де­генмен Лис­сабон келісіміне қол қо­йыл­ған­дықтан, бұл құжаттың күшіне енуі қа­растырылмайды.