Ерлер күні – екеу

Менің білгім келетіні, Халықаралық ерлер күні мен Дүниежүзілік ерлер күнінің қандай айырмашылығы бар? Бұл екеуінің қайсысы БҰҰ-дан қолдау тапқан?
Нәзира, Алматы
Әлемде ерлерге арналған екі бірдей мереке бар екен. Оның бірі Дүниежүзілік ер­лер күні деген атпен белгілі болса, екін­шісі Халықаралық ерлер күні деп аталып жүр. Бір қызығы, бұл мерекелердің екеуі де қараша айында атап өтіледі, екеуі де БҰҰ-мен тіркелген, екеуі де соң­ғы онжыл­дық­та пайда болған. Оның бірі, яғни Халық­аралық ерлер күні 19 қара­ша­да атап өті­леді. Алғаш рет бұл мереке Три­нидад пен Тобагода тойланды. Ар­тын­ша оны Авс­тралия, Кариб бассейні елдері, Сол­түс­тік Аме­рика және бірқатар Еуропа ел­де­рін­де атап өте бастады.
Ал Дүниежүзілік ерлер мерекесі жыл сайын қараша айының алғашқы сен­бі­сін­де аталып өтеді. Оның авторы – КСРО-ның соң­ғы президенті Михаил Горбачёв бола­тын. Алғаш рет Аустрияда 2000 жылы атап өтіл­ді. Осылайша, «ер адам­дар­дың төл мере­кесі жоқ» деп наразы бо­лып жүрген ер­кек­тер енді екі бірдей мерекеге қарық болды.