Энергетиканың неше пайызын АЭС-тер өндіреді?

Қазір Жапониядағы табиғи апаттардан кейін АЭС-тың қауіптілігі айтыла бастады. Менің білгім келетіні, әлемдегі энергетика өндірісінің қанша пайызын АЭС өндіреді?
Нұржақып ШЕРНИЯЗ, Қызылорда
Қазір әлемдік энергетика са­ла­сындағы АЭС-тың орны бә­лен­дей үлкен емес. Жалпы, Жер бетінде 439 энерге­ти­ка­лық реактор болса, соның 218-і АҚШ, Жапония, Франция мем­лекет­терінде шоғырланған ек­ен. Егер аталған үш мемлекет­ті қоспай есептесек, әлем­дегі эл­ектрдің 8 пайызы ғана атом эн­ер­гети­касынан өндіріл­ген бо­лар еді. Ал жалпы айтқан­да, әлемдегі 200-ге тарта мем­лекеттің 29-ы ғана АЭС өн­дір­­ген энергияны пай­далана алады. Онда да со­лар­дың 16-сын­да ғана атомдық электр энер­гиясы 30 пайызға жетеді. Тағы бесеуінде 15-20 па­йызды құра­са, Үндістан, Қы­тай, Брази­лия сынды іргелі елдерде ол 3 па­йызға ғана жетіп жығылады.