Ең ұзақ хандық құрған қазақ ханы кім?

Қазақ тарихында ең ұзақ хан тағында отырып, билік жүргізген хан кім?
Айбек, Талдықорған қаласы
Қазақ хандығының 300 жылдық тарихында ең ұзақ хандық құрған – Хақназар хан. Ол билікке 1538 жылы ке­ліп, 1580 жылға дейін, яғни 42 жыл бойы хан болды. Қа­сым ханның баласы Хақ­назар (Ақназар) хан тұсында Қа­зақ хандығы қайта бірігіп, дами түсті. Ол ел басқару, қиын-қыстау, әскери-саяси іс­тері жағында қажырлы да қабілетті қайраткер болды. Оның үстіне аса күрделі сырт­қы жағдайларда дипло­ма­тия­­лық дарыны мол майтал­ман екендігін көрсетті. Өзінен бұ­рынғы Тахир хан және Бұй­даш хан тұсында бытыраңқы жағ­дайға түскен Қазақ хан­ды­ғын қайта біріктірді. 1523-1524 жылдары қазақ-қыр­ғыз одағын нығайтып, тіпті сол заманның тарихи дерек­те­рінде Хақназар хан «қазақ­тар мен қырғыздардың пат­ша­сы» деп атала бастады. Ол осы қазақ-қырғыз одағына сү­йе­не отырып, Моғолстан хан­дарының Жетісу мен Ыстықкөл алабын жаулап алу әрекетіне тойтарыс берді. Қазақ ханды­ғының күшеюі және халық өмірінің оңалуы, Ноғай одағы­на қарасты көш­пелі тайпалар­дың бір бөлігі қаң­лылар, қып­шақ­тар тағы бас­қалардың Қа­зақ хандығына ке­ліп қосылуы­на септігін тигізді.