Елімізде қанша шешен тұрып жатыр?
Қазақстанды тарихи Отаны санайтын халықтардың бірі – шешендер. Бұл халықтың еліміздегі және жалпы әлемдегі саны қанша?
Жамал МҰҚАНОВА, Атырау қаласы
Шешенстан Республикасы Ақпарат агенттігінің мәліметінше, шешендердің немесе нохчолардың бүкіл әлемдегі саны бүгінде 1 млн 550 мыңның шамасында. Олар – Шешенстанның негізгі халқы. Солтүстік Кавказдың байырғы халқының өкілдері Дағыстан, Ингушетия, Грузия елдерінде де көп шоғырланған. ХІХ ғасырда 5000-ға жуық шешен отбасы тарихи Отанынан Түркия, Сирия, Иордания аумағына жер аударылды. Сол сияқты Екінші дүниежүзілік соғыс кезінде Орталық Азия елдері мен Қазақстанға жарты миллион шешен көшірілді. Ресей мен Батыс Еуропа елдеріне де мыңдаған шешен қоныс аударды. 2009 жылғы халық санағы бойынша Қазақстанда тұратын шешен ұлты өкілдерінің саны – 31 431.
