Елімізде қанша планетарий бар?

Оқушыларға аспан мен жұлдыздар әлемі жайлы бейнелі түрде мағлұмат беретін планетарийлер елімізде қанша?
Жадыра Медетова, Астана қаласы
Планетарий – аспан қабаты, жұл­дыздар, ғаламшарлар, Жер се­ріктері, кометалар мен мете­о­рит­тер, Күн мен Ай тұты­лу­лары, басқа да астрономиялық ны­сан­дар мен құбылыстарды көп­ші­лік­тің тамашалауына ұсы­натын ғылыми-ағарту мекемесі. Қазақ­стан­да тұңғыш әрі жал­ғыз ста­цио­нарлы планетарий Ақ­төбеде орналасқан. 1967 жылы ашыл­ған ғимараттың басты артық­шы­лығы – жұлдызды ас­панды түп-түгел көз алдына әкелетін «Планетарий» атты жаб­дық. 60-жылдардың со­ңын­да оны өңірде еңбек етіп жүрген неміс жұмыс­шы­лары сыйға тартқан. Керемет жабдық алғашқыда кәдеге жа­рай қой­май, қоймада жатып қа­ла­ды. Бірақ кейін аппараттың сырын түсінген басшылар Ақтө­бе­де стационарлы планетарий ғи­маратын салуды ұйғарады. Бү­г­інде бұл нысан Еуразиялық планетарийлер достастығы құрамына енеді. Жергілікті ас­тро­номдар Пулков обсер­ва­то­рия­сымен, Мәскеу плане­та­рийімен және Алматы астро­фи­зи­ка институтымен 40 жыл­дан бері тығыз байланыста. Ай­та кетейік, қазір еліміздің бас­қа ай­мақтарында мобильді плане­та­рийлер де ашылып жатыр. Мәселен, жақында ғана Қос­та­най­да осындай орталық пайда болды.