Электрондық үкіметтің пайдасы көп

Бізде е-үкімет қашан пайда болды және оның тиімділігі қандай?
Алмас МАНЫСҰЛЫ, 11-сынып оқушысы
Елімізде электрондық үкімет-пор­тал өз жұмысын 2006 жылдың 12 сәуі­рінде бастағаны белгілі. Ал тұңғыш электрондық қызмет 2007 жылы пай­да болды. Еңбек және әлеу­меттік қор­ғау министрлігінің ЗТМО (Зейнетақы төлемдері мемлекеттік орталығы) са­лымшы қаржысының тү­сімі мен қоз­ға­лысы жайында ақ­па­рат бе­ру қыз­меті бүгін де жоғары сұ­ра­ныс­қа ие.
Электрондық үкімет порталы ар­қы­лы 74 интерактивтік және 2 мыңнан астам ақпарат қызметі көрсетіледі. Есептеу бойынша, шартты үнем, элек­трондық үкіметті енгізу тиімділігі 40,2 млрд теңгеге жеткен. Бұл – элек­трон­дық сатып алу, электрондық құжат ай­­на­лы­мы, электрондық лицензия бе­руді енгізу есебінен. Қазіргі кезде е-үкімет порталы 10 млн-нан астам анықтама берген.
Е-үкімет порталының қызметін пай­далану үшін электрондық қол­таңба болуы қажет. Ол халыққа қыз­мет көр­сету орталықтарында бе­рі­леді.