Елебеков есімі қашан берілді?
Эстрада-цирк колледжіне Жүсіпбек Елебеков есімі қашан берілді? Жалпы, колледж қашан құрылған?
Нәзира Сайлауова, Алматы қаласы
Ж. Елебеков атындағы Республикалық эстрада-цирк колледжі 1965 жылы Алматыда «Қазақконцерттің» жанынан құрылған. Оқу орнын ұйымдастыруға тікелей мұрындық болған қазақ өнерінің жанашыры Г. Ғалиева еді. Алғашқы кезде тек эстрада және цирк өнері студиясы деп аталды. Ал оқу орнында өмірінің соңына дейін осында ұстаздық қызмет жасаған әнші Жүсіпбек Елебеков есімі оқу орнына 1967 жылы берілді. Ол кезде әлі колледж емес, эстрада және цирк өнері студиясы еді. Тек 1995 жылы Ж. Елебеков атындағы Алматы эстрада-цирк өнері колледжі болып, кейін республикалық мәртебеге ие болды.
Эстрада және цирк өнері әртістерін даярлайтын өнер ордасы түлектерінің арасынан Жәнібек Кәрменов, Қайрат Байбосынов, Нағима Есқалиева, Сәуле Жанпейісова, Бағдат Сәмединова, Айжан Нұрмағамбетова, Балтабек пен Раиса Жұмағұловтар сияқты көптеген қазақ өнерінің белгілі өнер майталмандары шықты.
