Елдің ең жас мәслихат депутаты кім?

Жақында жер-жерде өткен мәслихат сайлауы нәтижесінде жас үміткерлер депутат атанды ма? Ең жас мәслихат депутаты кім болды?
Сұңғат, Алматы облысы
Елдің 13 өңірінде шығып қалған де­пу­таттарының орнына өткізілген сайлау нә­тижесі бойынша жас үміткерлер де­пу­таттық мандатты иеленді. Қазақстан бо­йынша ең жас депутат Қостанай об­лысында тіркелді. Қостанай облыстық мәс­лихатқа депутат тағайындау үшін се­гіз учаске бойынша ұйымдастырылған сай­лауда 23 жастағы белсенді Татьяна Но­викова жалпы дауыстың 83 пайызын жи­нап, ел бойынша ең жас халық қа­лау­лысы атанды. Ол осыған дейін Қос­та­най облыстық жастар және балалар ұйы­мы ассоциациясын басқарып, әлеу­мет­тік жобалармен белсенді ай­на­лыс­қан екен.
«Қазіргі жастар енжар әрі өмірге сел­қос қарайды» деген сөздерді ес­тігенде еріксіз таңырқаймын. Жастар ұйы­мында жұмыс істей жүріп, күн са­йын ондаған талантты жас адамдармен бай­ланыс жасаймын» деген Татьяна Но­в­и­кова мәс­ли­хатта өзінің ғана емес, жас­тардың да мүддесін қорғайтынын жет­кізді. Оның ай­туынша, сайлауалды бағ­дарла­ма­сын­да жұмыспен қамту, жас­тарды жұмысқа ор­наластыру мә­се­ле­сін көтеріп, әлеу­мет­тік желілер мен флеш­моб шаралары се­кілді жаңа тех­нологияларды қол­дан­ған.
Былтыр елде мәжіліс пен мәс­ли­хат­қа депутат сайлау шарасы өткен бо­латын. Білім және ғылым министрі Б.Жұ­мағұловтың айтуынша, сайлауға түс­кен үміткерлердің 70 пайызға жуығын 30 жасқа жетпеген жігерлі жастар құ­ра­ған көрінеді. Сөйтіп, жас депутаттардың көп­­тігі жағынан Павлодар облысы көш бас­таған еді. 24 жасар Сапар Шалабаев Пав­лодар облыстық мәслихатының де­пу­таты болып, жас депутат атанған бо­ла­тын.