Экотуризм бойынша қандай елдер көш бастайды?
Қазір дүниежүзі бойынша экологиялық туризм жақсы дамып келеді. Табиғат пен жаратылыстың кереметтерін паш ету жөнінен қандай елдер шетелдік саяхатшыларды көбірек тартып отыр?
Ұлпан Сағымбаева, Қарағанды қаласы
Экологиялық туризм – мейлінше адам аяғы баспаған табиғи аумақтарға бағытталатын саяхаттар. Бүгінде әлемде табиғат пен қоршаған ортаны бағалайтын туристерді қабылдау жөнінен Африка мен Азия елдері көш бастайды. Мәселен, дүниежүзінің түкпір-түкпірінен саяхатшылар Лаос, Кения, Танзания, Эквадор, Коста-Рика, Непал, Оңтүстік Африка Республикасы сияқты елдерге көп ағылады. Австралия мен Жаңа Зеландия да – экотуризм инфрақұрылымы дамыған мемлекеттер қатарында. ТМД елдері арасынан туризмнің бұл саласы Арменияда жақсы дамыған. Елдегі Джермук, Цахкадзор, Дилижан курорттары таулы өңірдегі негізгі туристік нысандар саналады.
