«Экономикалық адам» деген қандай адам?

Бір танысым «мен – экономикалық адаммын» деп сөйлегенді ұнатады. Ал оның мамандығы мүлде басқа. Сөйте тұра, ол өзін экономист санағаны ма?
Ардақ Шудабаев, Ақтөбе

Ең алдымен осы екі терминді ажыратып алған жөн. Экономист – экономика, экономикалық ғылымдар саласындағы, сондай-ақ экономикалық мәселелер жөніндегі маман.
Экономикалық адам (лат. Homo economicus) – шартты жалпы ұғым.
1)  Жоғары пайда табу қағидаттарын басшылыққа ала отырып, ұтымды жоспарлар құратын  адам.
2) Перманентті баюға ұмтылатын адам.
3) Іс-әрекеті, мінез-құлқы негізінен экономикалық табиғи факторлармен анықталатын адам.
Сіздің танысыңыздың бойынан осындай белгілер байқалса, онда ол шынымен «экономикалық адам» болғаны.