Екі жылдан соң Алматыда океанариум болады
Оңтүстік астанада океанариум салынады деп естідім. Ол қашан және қай жерде ашылады?
Әйгерім БАҚЫТҚЫЗЫ, Алматы қаласы
Жергілікті әкімдік қызметкерлерінің айтуынша, океанариум құрылысы жүріп жатқан Mega Almatу ойын-сауық кешенінің екінші нысанында салынады. Диаметрі – 12, биіктігі 22 метр болатын океанариум 2012 жылы ашылады. Айта кетейік, ойын-сауық орталығының жалпы аумағы 50 мың шаршы метрді құрайтын жаңа нысанда океанариумнан өзге, сауда нүктелері, мейрамханалар мен көңіл көтеру орындарын да салу жоспарланған. Сол сияқты кешеннің төменгі бөлігінде 1000 орындық автотұрақ та бар. Ғимарат құрылысын жүргізіп жатқан компания өкілдерінің сөзіне қарағанда, кешенге келушілерге ыңғайлы болу үшін ойын-сауық нысаны орналасқан маңдағы Каблуков көшесі де кеңейтілуі мүмкін.
