Дүниедегі ең үлкен парламент ғимараты

Парламент ғимараттарының өзінің қайталанбас архитектурасымен ерекше­ле­не­­тіні мәлім. Осы әлемдегі ең үлкен парламент ғимараты қай елде орналасқан?
Сәбит ЖИЕНТАЕВ, Талдықорған
Румыния астанасы Бухарестегі Парламент сарайы әлемдегі ең үлкен және ең ауыр пар­ла­мент ғимараты болып есептеледі. Оның алғашқы атауы Халықтар үйі болған, кейін Чау­шес­ку үйі, одан соң Парламент сарайы деп атал­ды. 1984 жылы Румыния басшысы Нико­лае Чаушескудың жарлығымен құры­лысы бас­тал­ған сарай ғимараты 1989 жылы Н.Чаушеску өлім жазасына кесілген кезде аяқталып үлгер­ген еді. Бұл сарайды салу үшін Бухарест ор­та­лығындағы тарихи ғи­ма­рат­тар бұзылып, тегіс­те­п тасталды. Пар­ла­мент сарайы ғи­ма­ратының өлшемі – 270 те 250 метр, аумағы – 350 000 м2, жалпы сыйымдылығы – 2 550 000 м2, биіктігі – 86 метр. Сарай 12 қабаттан жә­не 1100 бөл­меден тұрады. Парламент са­райының жерасты бөлігінің биіктігі 92 метрге жетеді. Сарай құрылысына Трансильваниядан 1 млн куб/метр мәрмәр жеткізілген, 1409 люс­тра мен терезе, 3500 тонна хрус­таль, 700 мың тонна болат пен қола, 900 мың куб/метр ағаш, 200 мың шаршы метр түкті мата жұмсалған екен.