Долана жемісінің жүйке жүйесі ауруларына көптен ем екенін білемін.
Айнұр ИБРАЕВА, Қарағанды облысы
Медицина мамандарының айтуынша, долана жемісі тек жүйке жүйесіне ғана емес, жалпы адам денсаулығына өте пайдалы өсімдік. Әсіресе, склероз дертіне шалдыққандар үшін таптырмас дәрі. Долана жемісі адамның миына өте жақсы әсер етеді. Яғни оны пайдаланған адамның есте сақтау қабілеті артып, ойы да жинақы болатын көрінеді. Сол сияқты, денсаулық сақтау мамандары бұл жемісті жүрек-қан тамырлары және сусамырмен ауыратын науқастарға көбірек қолдануға кеңес береді. Долананың басқа жеміс-жидектерден артықшылығы – кез келген уақытта және ұзақ мерзімде пайдалана беруге болады. Яғни оның ағзаға ешқандай зияны жоқ. Тіпті бұл өсімдік түрлі дәрумендерге де бай көрінеді. Мәселен, құрамындағы С витамині бойынша долана басқа жемістердің көшбасшысы саналады екен. Сондықтан одан жасалған өнімдерді иммунитеті әлсіз адамдардың көбірек пайдаланғаны абзал. Медицинада сонымен қатар долананың гүлі мен жапырақтары да кеңінен пайдаланылады.