«Дипломмен ауылға» бағдарламасы жөнінде білгім келеді?
Жоғарғы оқу орнын бітіріп, мектепте жұмыс істеп жүргеніме екі жыл болды. "Дипломмен ауылға" бағдарламасы бойынша ауылға барып жұмыс істей аламын ба? Аталған бағдарлама бойынша кімге және қайда хабарласамын?
Мағрипа Көбеева, Қызылорда
Егер сіз осы уақытқа дейін қалада жұмыс істеп, енді ауылға барғыңыз келсе, онда «Дипломмен ауылға» бағдарламасы сіз үшін. Бағдарлама жөніндегі нақты ақпаратты Қазақстан Республикасы Ауыл шаруашылығы министрлігінің www.minagri.gov.kz веб-сайтында «Дипломмен ауылға» баннері бойынша алуыңызға болады.
Бүгінде республика бойынша барлық облыстық және аудандық әкімдіктерде ауылдық жерлерге тұруға және жұмыс істеуге баратын әлеуметтік сала мамандарын ынталандыруға бағытталған заңның орындалуын бақылайтын арнайы басқармалар, мамандар бар. Өз таңдауыңыз бойынша жұмыс істеуге баратын жердегі аудандық әкімдіктің жанында құрылған комиссиядан сұрақтарыңызға тиісті жауаптар алуыңызға болады. Сондай-ақ ақпарат алу үшін «Дипломмен ауылға» жобасын үйлестірумен айналысатын «Нұр Отан» ХДП –ның «Жас Отан» жастар қанатына, «Ауыл жастары Одағы» ҚҰ-ның, «Қазақстанның Студенттер Альянсы» ҚҰ-ның жергілікті өкілдіктеріне хабарласуға болады.
