Діни демократия деген бар ма?

Қазіргі әлемде діннің рөлі артып барады. Кейде «діни демократия» деген термин айтылып қалады. Бұл, шынымен, бар ма?
Қазбек Қайдарұлы, Тараз
Діни демократия – (мысалы, Иран Ислам Республикасы — ИИР) — ислам қоғамын басқару әдісі ретінде ИИР-дың негізін қалаушысының және бас­қа ислам төңкерісі жетекшілерінің еңбектерінде көр­сетілген прин­циптерге сүйенеді. Алғашқы принцип – жалпыхалықтық қатысу және халық қала­уына жан-жақты қолдау көрсету. ИИР-дың Конституциясында биліктің Құдайдан екендігін мойындаумен қатар, қалың бұқараның депутаттарды сайлауда, исламдық құрылымның барлық деңгейдегі басшыларын сайлаудағы рөліне баса мән беріледі. Сонымен қатар исламдық құрылымның барлық жауапты тұлғалары төңкеріс көсемінен бастап, қалалық және ауылдық исламдық кеңестерге дейін халықтың тікелей қатысуымен сайланады. Тіпті сақшылар кеңесі секілді бақылаушы кеңестерді де халық сайлайды. Діни демо­кратияда діни көсемдер мемлекеттік ин­сти­туттарды халық пікірімен санасып құрады. Екін­ші принцип – Құдай заңдылықтары мен діни құн­ды­лықтар негізінде басқару. Исламдық сая­си ойында барлығы, жетекшіден бастап бұқара халық­қа дейін құдайлық құндылықтар мен ұста­ным­дарга бағынуы міндетті. Үшінші принцип – халық алдында жауаптылық және халық тарапынан бақылау құқы. Діни демократияға негізделген қоғам­дық құрылымда халық рақымшыл, ал халық құқы қашанда барлық лауазымды тұлғалар құқынан жоғары. Төртінші принцип – заңның үстемдігі.