Дельфин қандай «дәрігер»?

Құрбым маған дельфинотерапия алуға кеңес берді. Бірақ оның не екенін толық түсіндіре алмады. Расында, ол қандай терапия, қандай ауруларға шипасы бар?
Ләзиза Айбатыр, Ақтөбе қаласы
Дельфин – жалпы сүйкімді жануар, ал оның өз бойынан бөлетін дыбысты сәулесі – тіпті таң­ғаларлық ғажайыптарға ие шипа. Ең ғажабы, ол адамның ауыратын жерін өзі анықтап, өзі диагноз қойып, өзі емдейді. Ал «теңіз емшісі» нені емдеп жаза алады? Біріншіден, бала көтере алмай жүр­ген әйелдердің бедеулігін жазады, ми қыз­метінің бұзылуын реттейді, есту қабілетін қалыпқа келті­реді, сондай-ақ гендік ауытқу, жүйке жұқару, тіпті аутизмнің өзін құлан-таза сауықтырады. Дель­фин­ді ең таптырмас антидепрессант деп атай­ды дәрі­герлер, яғни өмірден баз кешіп кеткен жан­ның өзі сүйкімді жануардың емінен соң тір­ші­лікке деген құштарлығы оянып, құлшына кірісетін бол­са керек.
Ал емдеу процесі теңіз суы толтырылған бас­сейнде өтеді. Суда жүзудің өзі адамның көңілін көтеріп, серпілтетінін білеміз, ал оған дельфин қосылғанда, ол – әрі ем, әрі белгілі бір дәрежеде рахат та. Адамның баласы тегінде ақ халаттылар­дан қорқатыны ескеріліп, бұл емдеу процесінде ветеринар, психолог, жаттықтырушы және дәрі­гер сырттай ғана қадағалап, ал өздері тікелей кө­рін­бейді. Дельфинотерапияның басты ерекшелігі де сонда деуге болады.