Декреттегі қызметкердің жұмыс орны қысқартуға жата ма?

Мен бір мекемеге декреттік демалысқа кеткен қызметкердің орнына жұмысқа тұрған едім. Қазір  мекемеде қызметкерлерді қысқарту болып жатыр. Басшылық менің де жұмыс істеп жатқан штатым қысқаратынын ескертіп, бір ай ішінде басқа жұмыс тауып алуым керек екенін айтты. Осы орайда менің білгім келгені, қазіргі мен жұмыс істеп отырған штат декреттегі қызметкердің орны екені ескерілмей ме? Заң бойынша декреттегі қызметкердің жұмыс орны сақталуы керек емес пе? 
Биғайша, Атырау облысы
Еңбекті нормалау және еңбекке ақы төлеу бас­қармасы сарапшы маманының мәліметіне қа­ра­ған­да, қысқарту рәсімін жүргізу барысында қыс­қар­туға жататын тұлғаның мемлекеттік қызметтегі жұмыс өті­лі ғана емес, аумақтық органға түсетін жалпы жүк­те­ме мөл­шері де ескерілді.
Қолданыстағы еңбек заңнамасына сәйкес, қажетті іс-шараларды жүргізу барысында бала күтуге бай­ла­нысты демалыс кезеңіндегі қызметкерге бос лауа­зым­дық орындар ұсынылды. Егер де декреттік де­малыстағы қызметкер аталған ұсыныстан жазбаша түрде бас тартып, жұмыс орнының (маман лауа­зы­мы­ның) қыс­қартылуына ауызша және жазбаша түр­де келісімін бер­се, онда декреттік демалыстағы қыз­мет­кердің орны қысқартуға жатады, яғни сақ­талмайды.
Ал сіз декреттік демалыстағы қызметкердің ор­нында уақытша жұмыс атқарып келгендіктен, сіз жұ­мыс істеп отырған штат сіздің келісіміңізсіз қыс­қар­ту­ға жатады.