Дәріні қалай сауатты пайдалану керек?

Қазіргі күнде дәрі-дәрмектің түрі көбейіп кетті. Тұмауратсақ, дәрігерлердің өзі әр жолы әртүрлі дәрі береді. Дәрінің түрі жиі өзгеріп отырады. Оның үстіне кейбір дәрілерден аллергия деген де шығып жатады. Осындай кері әсері болмас үшін қандай дәріні қалай ішу керек екендігі туралы мәлімет берсеңіздер екен.

Күнжәмила, Астана

Дұрыс айтасыз, бүгінде дәрінің түрі көбейді. Теледидар мен газет-жур­нал­дардағы жарнамаларды көріп алып, кейбіреулер дәрігерге бармай-ақ, өздері кез келген дәріні алып, іше бе­ретін болды. Бұл дұрыс емес. Қалайда дәрігерге көріну қажет. Дегенмен мына кеңесті біле жүрген дұрыс. Мысалы, аспирин, фурагин, 5-нокты, құрамында ацетилсалицилл қышқылы бар дә­рі­лер­ді қаймақ, майлы тағамдармен ара­ластыруға болмайды. Кальцийдің бойға сіңуі үшін оны балық майымен бірге қолдану керек, бірақ газды сумен және лимон қышқылды сусындармен ішуге болмайды. Бисептол, пара­це­тамол, фуросимедті қызылша, қара өрік, нан тағамдарымен және іш жүр­гі­зетін дәрілермен араластыруға болмайды. Ампициллин, эрит­ро­мицинді – жеміс шырынымен, лин­ко­мицин, тетрациклинді сүт тағам­да­рымен, темір препараттарын кофе, шай, сүт, жаңғақ дәндерімен ара­ластырмаған дұрыс. Аналгин, ба­рал­гин, парацетамол, панадол, спазмалгон сияқты дәрілерді ішетін кезіңізде қақ­талған ет, шұжық тағамдарынан бірер сағат тартына тұрған дұрыс. Ең дұрысы, осы аталған препараттардың бәрін де сумен ішу керек.