Дәріге үйренген зиян ба?

Көптен бері ұйқым қашып жүр. Ұйықтататын дәрі ішпесем, кейде түнімен көз ілмей шығамын. Тіпті дәріге үйреніп бара жатқан да сияқтымын. Бұл зиян емес пе?
Мүсілім ҚАНАҒАТ, Шымкент
Америкалық ғалымдардың ан­ық­та­уын­ша, ұйықтататын дәрілер адам өмірін шамамен үш жылға қыс­қартатын көрінеді. Былайша айт­қан­да, аталған дәрілердің организм­ге белгілі бір мөлшерде тигізер зия­ны болатыны анық. Мысалы, со­ның сал­дарынан ұйқы құрылымы бұ­зылып, адам дәріге бой алдыра бас­тайды. Ал оян­ған кезінде мең-зең күй­ге тү­сіп, дене­сін дел-салдық жайлайды, өзін нашар сезінеді.
Әдетке айналған ұйқысыздық – гипертония, жүрек талмасы және инсульт қаупінің бір белгісі болып табылады. Алайда ұйқысыздық өздігінен пайда болмайды. Ол түрлі стрестер мен шылым шегудің немесе көп қоз­ғалмаудың нәтижесінде белең ала­ды. Сондықтан ұйқысыздыққа ша­лындырып, дәріге үйір ететін жа­ғым­сыз жайттардан арылғыңыз келсе, салауатты өмір салтын ұстан­ғаныңыз абзал.