Бұл – ана тілімізде сөйлеген алтыншы голливудтық фильм

«Жалғыз рейнджер» фильмінің ана тіліміздегі дубляжы жайында білгім келеді.
Айсұлтан АЙНАРА, Тараз қаласы
«Жалғыз рейнджер» фильмінің қазақтілді дубляжі кешеден бері көрсетіле бастады. Бұл фильмнің басты рөлін белгілі голливудтық актер Джонни Депп орындайды. «Жалғыз рейнд­­­жер» – қазақ тіліне аударылған алтыншы голли­вудтық фильм. 2011 жылдан бастап «Көлік­тер-2», «Қара киімділер-3», «Батыл жүрек», «Жаңа Өрмекші адам», «Монстрлар универ­ситеті»  фильмдері қазақ тіліне дубляждалды.
Елімізде «Жалғыз рейнджер» Ғ.Мүсірепов атындағы балалар мен жасөспірімдер театрының актері Бейбіт Камарановтың даусымен сөй­лейді. Үндіс Тонтоны «Жаужүрек мың бала» фильмінде басты рөлдердің бірін сомдаған Берік Айтжанов дыбыстады. Берік Айтжановты Джонни Депптің өзі бекіткен болатын. Бұдан бөлек,  М.Әуезов атындағы драма театрының актері Төлеубек Аралбаев пен Ғ.Мүсірепов атын­дағы балалар мен жас­өспірімдер театрының актері Балтабай Сейітмамытовтар да фильмдегі басты рөлдерді дубляж жасады. Картинаның дубляжына 28 актер қатысты. Аударма сәтті болуы үшін ағылшын тілінен тікелей қазақ тіліне аударма жасалды. Қазақ тілі диснейлік жаңа кино кейіпкерлері сөйлеген 22-нші тіл болды. Фильмнің дубляжы қазақстандық Cinema Tone Production студиясында жүргізілді.