Бүгінде суфлер бар ма?

Бұрындары театрда суфлер жұмыс істейді деп естуші едім, қазір ше?
Арман ШАДАЕВ, болашақ актер
Суфлер француздың souf fler сөзінен шық­қан, яғни «сыбырлап айту» деген ма­ғынаны білдіреді. ХІХ-ХХ ғасырда Еуропа теа­тр­ларында ең керек адамы болған осы бір ма­ман қазір театр сахнасынан тіпті қалды деу­ге болады. Бір қарағанда, рөл ойнамай, жай ұмытып қалған актерлерге сыбырлай қоя­тын суфлердің жұмысы оңай көрінгенімен, не­гізінде, олай емес екен. Суфлерлікке есте сақ­тау қабілеті ерекше, тіпті барлық актер­лер­дің сөзін түгел жатқа білетін адамды қоя­тын болған. Сондықтан егер ол болмаса әр­тіс­тер сөзін ұмытып, оқиға сол жерде тоқтап қалуы мүмкін болатын. Қазір әлем бойынша ешбір театрда суфлер жоқ деуге болмайды, тек азайып, оның қажеті болмай бара жат­қа­ны рас. Мәселен, Ресейде жүздеген театрлар бол­са, соның 30 шақтысында ғана суфлерлер қалыпты. Ал қазақ театрларында ол мүлдем жоқ, ал сөзін ұмытып қалған актерге әріптесі айтып жібереді не оқиғаны өзі әрі қарай алып кетеді.