Брокер мен дилер қызметіндегі өзгеріс

Брокерлік және дилерлік қызметке байланысты ережелер өзгерген екен. Ол өзгеріс нені қамтиды?
Сұлтан ЗЕЙІНОВ
Ұлттық банк басқармасының биылғы жылғы 12 ақпандағы қаулысына сәйкес, елі­міздегі құнды қағаздар нарығындағы брокерлік және дилерлік қызметті жүзеге асыру ережелері өзгертілді.
Бұдан былай брокер құнды қағаздар келісімін банк немесе сақтандыру меке­месі болып табылатын клиенттің актив­тері есебінен ашық сауда тәсілімен қор бир­­жа­сында немесе шет мемлекет айма­ғын­да қыз­метін жүргізетін қор биржа­сын­да жүзе­ге асыра алады. Алайда осы қызметке төмендегілер енбейді:
1) артықшылық сауда құқығын орын­дау;
2) қор биржасы делистинг жасаған құн­ды қағаздарды сату;
3) ұйымдаспаған алғашқы нарықта мем­лекеттік емес құнды қағаздармен келісім жасау;
4) эмитенттің құнды қағаздарын не өзге де міндеттемелерін осы эмитенттің мін­деттемелерін қайта құрылымдау мақ­сатында шығарылған өзге де құнды қағаз­дарына айырбастау (конвер­та­ция);
5) мемлекеттік құнды қағаздар келісі­мін жасау.
Егер дилер банк болса, құнды қағаз­дар келісімін қор биржасында ашық сауда тәсілімен не шет мемлекет ау­ма­ғында қыз­метін жүргізетін қор бир­жа­сында келісім жасай алады. Осы қызметке жоға­рыда айтылған бес қызмет кірмейді, оған қоса, Қазақстан Республикасы аума­ғында не шет мемлекет аумағында қыз­ме­тін жүр­гізетін, бірақ қор биржасы айна­­лы­мын­да жоқ шетелдік эмитент­тер­дің мем­лекеттік емес эмиссиялық құнды қағаз­дарымен келісім жасай алмайды.
Қаулы ресми баспасөзде жария­лан­ғаннан кейін күшіне енеді.