Болашақ ғарышкерлер бас қосты

Алматыда болашақ ғарышкерлер байқауы өтті деп естіп едім. Бұл шараның мақсаты қандай, оған кімдер қатысты.
Болат ОРЫНБАСАРҰЛЫ, Алматы облысы
Жас астрономдар мен бо­ла­шақ ғарышкерлердің ашық сле­ті Ал­маты қаласында өтті. Аталған ша­ра «Бөбек» ұлттық ғылыми-прак­тикалық, білім беру және са­уық­тыру орталығы обсер­ва­то­рия­сының базасында жүзеге асырылды.
Ұйымдастырушылардың ай­туын­ша, жобаның мақсаты – ас­тро­номия, ғарышкерлік са­ла­сын­да мектеп оқушылары бі­лі­мінің дең­гейін көтеру және оларды ха­лық­аралық бай­қау­ларға, олим­пиадаларға және тур­нирлерге қа­тысуға дайындау. Слетке ел мек­тептерінің 7-11 сыныбының пән үйірмелерінде белсенді да­йын­далып жүрген, астрономия жә­не ғарыш ба­ғыттары бойынша бай­қау­лар­дың жеңімпазы болған 130 оқушысы, сондай-ақ рес­пу­бли­калық астрономиялық прак­ти­кум­ның тыңдаушылары қа­тыс­ты.
Слет шеңберінде ғарыш ас­тро­­номиясы және физика бо­йынша олимпиада, ғылыми жо­балар байқауы өтті. Практикалық тур қатысушылардың жұлдызды ас­панды жетік білуіне негіз­делген. Қазылар құрамында   та­ны­мал астроном ғалымдар және фи­­зик­тер, ҚР Ұлттық ғарыш агент­тігінің өкіл­дері бар. Слет бағдарламасы мұнысымен біт­пейді.  Қатысушылар білім са­йы­сы ғана емес, сонымен қатар қы­зық­ты мә­­дени бағ­дар­ламалар – ғ­а­лым­дармен және ға­рыш­кер­лер­­мен кез­десулер, Ас­тро­фи­зика инс­­ти­тутына және Тянь-Шань биік тауларындағы об­­сер­­ва­торияға серуен, қала бо­йынша саяхат және басқа іс-ша­ра­лар күтуде.